«វប្បធម៌តែមួយ ប្រព័ន្ធតែមួយ និងកេរ្តិ៍ឈ្មោះតែមួយ» ជាសៀវភៅដែលបានកត់ត្រានូវប្រវត្តិនៃការបង្កើតគោលការណ៍អនុវត្តការងារតាមផ្នែកនីមួយៗនៅក្នុងក្រុមហ៊ុន ម៉េងលី ជេ. គួច អេឌ្យូខេសិន ម.ក ឱ្យត្រូវតាម​វប្បធម៌តែមួយ ប្រព័ន្ធតែមួយ និងកេរ្តិ៍ឈ្មោះតែមួយ នៅ​លើដំណើរឆ្ពោះទៅរកឧត្ដមភាពរបស់ក្រុមហ៊ុន ស្របតាមអនុសាសន៍ដឹកនាំដែលបានចង្អុលបង្ហាញកន្លងមកពីសំណាក់ អ្នកឧកញ៉ា វេជ្ជបណ្ឌិត គួច ម៉េងលី ដែលជាស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ។

​            សៀវភៅដែលមាន​កម្រាស់៤២៤ទំព័រ​នេះ រៀបរាប់នូវអ្វីដែលផ្នែកនីមួយៗគួរធ្វើ និងមិនគួរធ្វើ ក្រោមប្រព័ន្ធការងារមួយដែលមានលក្ខណៈស្តង់ដាត្រឹមត្រូវ។ លើសពីនោះទៅទៀត ខ្លឹមសារស្តីពីគោលការណ៍អនុវត្តការងារផ្សេងៗទៀត ក៏ដូចជាប្រវត្តិសង្ខេបរបស់ក្រុមហ៊ុន ថ្នាក់ដឹកនាំ ភាគហ៊ុនិក ជាដើម ក៏មានរៀបរាប់យ៉ាងសង្ខេប ដែលអាចផ្តល់ឱ្យបុគ្គលិកក្នុងក្រុមហ៊ុ​នទទួលបាននូវឱកាសយល់ដឹង និងស្គាល់ពីវប្បធម៌បំពេញការងារនៅក្រុមហ៊ុន ដែលខ្លួនកំពុងបំពេញការងារជារៀងរាល់ថ្ងៃ។
            តាមរយៈសៀវភៅនេះ បុគ្គលិកនឹងបានយល់ដឹងអំពីវប្បធម៌ និងគោលការណ៍បំពេញការងារ​ឱ្យកាន់តែប្រសើរ និងឆាប់រហ័សជាងមុន​​ប្រកបដោយក្រមសីលធម៌វិជ្ជាជីវៈខ្ពស់។