What do you want to find out?
Just leave your keyword down here to find pages, news or events
| បោះពុម្ពដោយ | គ្រឹះស្ថានបោះពុម្ពនៃសាកលវិទ្យាល័យ ម៉េងលី ជេ. គួច |
|---|---|
| កាលបរិច្ឆេទ | ខែតុលា ឆ្នាំ២០១៨ |
| ចំនួនទំព័រ | ៥២១ ទំព័រ |
| ទំហំ | ១៤ x ២៣ សង់ទីម៉ែត្រ |
| ភាសា | ខ្មែរ |
"១០៨ ចក្ខុវិស័យ គួច ម៉េងលី" ជាវណ្ណកម្មដ៏ល្អវិចិត្រទី៥ និពន្ធដោយអ្នកឧកញ៉ាវេជ្ជបណ្ឌិត គួច ម៉េងលី ដែលរៀបរាប់ពីពិសោធន៍ជីវិតក្នុងអាជីពជាធុរជន បង្ហាញពីចក្ខុវិស័យចម្រុះខ្លះៗនៃយុទ្ធសាស្ត្រធ្វើជំនួញប្រកបដោយនិរន្តភាព។ ចែករំលែកវិធីសាស្ត្រលើកទឹកចិត្តខ្លះៗដើម្បីគោលដៅជីវិតច្បាស់លាស់ មិនថាក្នុងអាជីពការងារ គ្រួសារ ស្នេហា ការសិក្សា និងកិច្ចការសហគមន៍នោះទេ។ បណ្តុះឱ្យមានភាពក្លាហាន មិនកំសាកញី មិនបាក់ស្បាត ផ្ទុយទៅវិញមានការទទូច តស៊ូព្យាយាមម្ចាស់ការ មិនប្រញាប់ចុះចាញ់នឹងបញ្ហា។ បណ្តុះឱ្យមានវប្បធម៌ចែករំលែក ក្នុងការចាប់យកឱកាសនៃអាជីពការងារចំពោះមុខ និងទៅអនាគត តាមចំណង់ចំណូលចិត្ត ចំណេះដឹង បទពិសោធ និងជំនាញ ដែលជាទេពកោសល្យរបស់មនុស្សម្នាក់ៗ។
ស្នាដៃនេះ ជាប្រភេទកម្រងបណ្តុំទស្សនៈខ្លីៗ ស្តីពីចក្ខុវិស័យដែលយើងងាយនឹងអនុវត្តនៅក្នុងជីវិតរស់នៅប្រចាំថ្ងៃ ដែលកម្រងបណ្តុំទស្សនៈខ្លីៗទាំងនោះរួមបញ្ចូលគ្នាបាន១០៨ចក្ខុវិស័យ និងដែលស្តែងចេញពីពិសោធជីវិតការងាររបស់អ្នកនិពន្ធផ្ទាល់។ ទាំងនោះជាចក្ខុវិស័យផ្ទាល់របស់លោកឧកញ៉ា វេជ្ជបណ្ឌិត គួច ម៉េងលី ដោយមិនឆ្លុះបញ្ចាំង ឬពាក់ព័ន្ធនឹងគោលការណ៍នៃចក្ខុវិស័យរបស់ទ្រឹស្តីណាមួយឡើយ។ ពោលជាគោលគំនិតបណ្តុះ និងពង្រីកចក្ខុវិស័យវែងឆ្ងាយ ប្រកបដោយញាណទស្សនៈស្តីពីជីវិត ការសិក្សា ការងារ គ្រួសារ សង្គម ទំនាក់ទំនងសង្គម និងមធ្យោបាយបង្កើតគំនិត រក្សាគំនិត និងដោះស្រាយប្រកបដោយចីរភាព ដែលស្តែងចេញពីគុណតម្លៃនៃបទពិសោធរបស់អ្នកនិពន្ធ។